Manastirliu takim me delegacionin olimpik të Malit të Zi: Fuqizim i sportit në rajon

Komiteti Olimpik Kombëtar Shqiptar (KOKSH), së bashku me delegacionin olimpik të Malit të Zi zhvilluan një takim miqësor me ministren e Arsimit dhe Sportit, Ogerta Manastirliu, njoftoi sot KOKSH.

Ministrja Manastirliu nënvizoi gjatë fjalës së saj se, bashkëpunimi mes vendeve rrit perspektivën e fuqizimit të sportit në rajon, duke shtuar se si qeveria shqiptare, si Ministria ashtu edhe KOKSH-i janë në një drejtim të unifikuar lidhur me zhvillimin e sportit në vend.

Presidenti i KOKSH-it, Fidel Ylli theksoi rolin institucional të ministrisë së linjës në realizimin e projekteve të komitetit olimpik lidhur me masivizimin e sportit në Shqipëri, duke i njohur vlerat marrëdhënies mes shëndetit dhe aktiviteteve sportive.

Sekretari i Përgjithshëm i Komitetit Olimpik të Malit të Zi, Igor Vusurovic pohoi në takim se ka vend për përmirësim të bashkëpunimit mes vendeve të Evropës Juglindore.