Manastirliu uron prof. Kalon: Gëzuar nga zemra, e nderuar të punoj me njerëz të rrallë si ju

Përmes një postimi në ‘Facebook’, ministrja e Shëndetësisë, Ogerta Manastirliu, i ka uruar ditëlindjen profesor Tritan Kalos, i cili ndodhet në fronin e parë të luftës kundër koronavirusit.

Me anë të një postimi në rrjetet sociale, Manastirliu shkruan se edhe kjo ditë mjekun Kalo e gjen mes kolegëve.

Postimi i plotë i Ministres Manastirliu:

Prof. Tritan Kalo ka sot ditëlindjen! Nuk kishte se si kjo ditë ta gjente larg pacientëve dhe kolegëve të tij në spitalin infektiv, duke shërbyer me profesionalizëm e devotshmëri siç ka bërë e bën cdo ditë.

Krenare për çfarë përfaqësoni dhe e nderuar të punoj me profesionistë dhe njerëz të rrallë si ju!

Edhe 100 prof. Tani! Gëzuar nga ❤️