”Manja kriminel elektoral”, Berisha akuza në Kuvend: Po dalin të dhëna që fundosin Ramën

Sali Berisha në një deklaratë jashtë ambienteve të Kuvendit, u ndal tek atentati në zonën e ”Don Bosko-s” ku mbeti e vrarë gabimisht një grua dhe u plagosën pesë të tjerë. Berisha tha se vrasësit ndodhen në qeveri, ndërsa nuk i kurseu kritikat edhe ndaj ministrit të Drejtësisë Ulsi Manja, duke e quajtur këtë të fundit një kriminel elektoral.

“Kujtoni vrasjen në Don Bosko. Unë i akuzova për ngjarjet kriminale dhe nuk dhanë asnjë përgjigje. Ulsi Manja, krimineli elektoral u ngrit dhe deklaroi se ndjehet krenar. Kurrë ndonjëherë Parlamenti nuk ka qenë ndonjëherë në këtë shkallë të inkriminimit.

McGonigal ka qenë ndërmjetës, e morët vesh se si i kanë përzier aksionet Edi Rama me McGonigal dhe këtë e deklaron ish presidenti i Dhomës Amerikane të tregtisë që kanë qenë këtu në atë kohë. Po dalin të dhëna që e fundosin Edi Ramën në mënyrë përfundimtar”, tha Berisha.