Manjani emëron drejtorin e ri të Policisë së Burgjeve, Petrit Koshaj

“Në administratën e burgjeve nuk kanë punë partitë dhe deputetët”.

Kështu është shprehur sot ministri i Drejtësisë, Ylli Manjani teksa prezantoi drejtorin e ri të Policisë së Burgjeve, Petrit Koshaj.

Edhe pse Lapsi.al ka publikuar vazhdimisht lista dhe fakte që tregojnë se punësimet në administratë bëhen me rekomandime deputetësh dhe nga radhët e LSI-së e PS-së, Manjani premtoi një ekip profesional puonjësish dhe zbatim rigoroz të ligjit për cdo emërim.“Ju siguroj se ligji do të zbatohet për cdo emërim. Në do të ndërtojmë një ekip profesional të punonjësve”, tha Manjani.

Me ardhjen e Manjanit në krye të Ministrisë së Drejtësisë pati një rrokadë në radhët e drejtuesve të burgjeve në vend./