Maringlen Disha-fushata e një kandidati model

Kjo fushatë zgjedhore vendore ka mbi 130 kandidatë për kryebashkiak nga të cilët vetëm 61 do të zgjidhen me 14 maj.

Por mes tyre ka modele e modele si në mënyrën e të bërit fushatë ashtu edhe në karakteret e tyre me cene e vese apo virtyte.

Në fakt duhet të jesh vetvetja, njerëzor, familjar, vizionar në punët që aspiron si kryebashkiak dhe larg idesë se me karriken e kryetarit do të rregullosh veten tënde.

Pakkush mbetet me këto karakteristika pasi shumica turren me roje, biznesmenë, etj për të treguar muskujt përballë votuesve duke synuar krijimin e përceptimit se “më votoni se unë do të jem patjetër kryetar”.

Ndërkohë po duket se ka një model tjetër, të thjeshtë, njerëzor që takon e dëgjon njerëzit. Dhe ka aftësinë për ti zgjidhur problemet dhe rritur mirëqënies së banorëve.

Një prej tyre deri tani është Maringlen Disha, kandidat për bashkinë e Librazhdit në emër të PS.

Ai nuk shfrytëzon forcën e pushtetit qendror, por aftësinë dhe eksperiencën që ka në administratën shtetrore se si mund të realizohen projektet për komunitetin e tij librazhdas.

Maringleni takon çdo njeri dhe jo sa për të qenë “popullor”, porse për të krijuar idenë reale se cilat janë problemet e Bashkisë që nesër kur do të drejtojë të dijë se çfarë duhet të bëjë.

Bashkia e Librazhdit do të jetë një zonë ku do të kalojë projekti i autostradës së madhe që do të lidhë Durrësin me krejt shtetet e verilindjes apo juglindjes.

Resurset e mëdha natyrore duhet shfrytëzuar për tu kthyer në të mira materiale për komunitetin.

Ndaj Maringleni e ka marrë me pasion punën si kryebashkiak, pas 14 majit.