Marrëveshja, 284 shtetas nga Kosova shërbim prove në Shqipëri

Ministri i Drejtësisë, Ulsi Manja gjatë vizitës së tij në Kosovë është takuar me homologen e tij, Albulena Haxhiu. Mësohet se janë 284 shtetas të Kosovës që paraqiten çdo muaj në shërbimin e provës në Shqipëri.

“Pas zbatimit të marrëveshjes do të jetë Shërbimi Korrektues në Kosovë që do t’i mbikëqyrë dënimet alternative të shqiptuara nga gjykatat në Shqipëri”. Kosova dhe Shqipëria synojnë të zbatojnë të gjitha marrëveshjet e arritura në fushën e drejtësisë.

“Jam i bindur që së bashku me Albulenën kemi bërë më të mirën e mundshme që bashkëpunimi ndërmjet dy qeverive tona sa i përket çështjeve të drejtësisë të jetë në nivele të shkëlqyera. Shumë shpejt do ta konkretizojmë edhe njohjen reciproke të provimit të jurisprudencës”.