Marrëveshja me Italinë për refugjatët, Bardhi: Qytetarët vendosen në rrezik. Rama po përdor Shqipërinë

Kreu i grupit parlamentar i PD-së, Gazment Bardhi komenton marrëveshjen Shqipëri-Itali për emigrantët dhe takimin e kryeministrit Edi Rama me homologen italiane, Giorgia Meloni. Bardhi u shpreh se kjo marrëveshje është një akt që tregon se Rama e ka kthyer Shqipërinë në një çiflig të tij personal, ndërsa shtoi se kreu i qeverisë duhet të kishte bërë transparencë. Për të kryeministri po tregohet i papërgjegjshëm duke vënë në rrezik sigurinë publike të qytetarëve.

”Është një nga këto aktet që tregon se Rama e trajton Shqipërinë si çifligun e tij personal. Për këtë marrëveshje duhet bërë transparencë. Çdo vendim që merret do duhet të jetë transparente dhe të krijojë siguri.

Shqipëria nuk ka kapacitete për të pritur një numër kaq të lartë të emigrantëve. Shqipëria nuk ka kapacitete për të luftuar trafikun e qenieve njerëzore. Ky mund të jetë një burim i ri për këtë trafik nga grupet kriminale. Vizita ishte surprizuar dhe se Rama s’mund të rrezikojë sigurinë e shqiptarëve, pa e bërë transparente. Pra rrezikohet siguria publike e shqiptarëve.

Nuk ka nënshkruar një marrëveshje që do i mirëpresë këta emigrantë në shtëpinë e tij në Surrel. Një kryeministër i përgjegjshme që s’ka gjë për të fshehur, para se të firmosë duhet të shpjegojë se çfarë ka ndërmend të firmosë. Për vendime të tilla që prekin jetën e çdo qytetari ne kemi një terr informativ dhe zero informacion. Ne e marrin vesh këtë lajm nga mediat italiane”, u shpreh Bardhi në ”Open”.