Marshimi më 28 nëntor, Kurti-Ramës: Ne e duam bashkimin kombëtar

Kryetari i Lëvizjes Vetëvendosje, Albin Kurti, i cili është edhe kandidati kryesor për të qenë kryeministri i ardhshëm i Kosovës, i ftuar në ”Open”, ndër të tjera u pyet se pse Lëvizja Vetëvendosje do të bëjë një marshim më 28 nëntor në Tiranë.

”Qendra e Vetëvendosjes në Tiranë nuk është as pozitë as opozitë, ajo është rregjistuar si OJF. Ne e kemi frymën e përbashkët por nuk dirigjojmë dhe drejtojmë njëri tjetrin. Ne jemi demokratë, ne e duam bashkimin kombëtar dhe sa më shumë aktivitete më 28 në frymën e bashkimit, aq më mirë është. Të zbatohen marrëveshjet që janë midis Kosovës dhe Shqipërisë”.

Cili është reagimi për kryeministrin Rama, pasi e quajti lajthitje marshimin?- e pyeti Eni Vasili. ”Nuk është lajthitje. Ajo është gati detyrë, të bësh aktivitet për bashkim”.