MAS: Shtresat në nevojë, si të përfitojnë kuotat e veçanta

Këto kandidatë janë individë që kanë statusin e të verbërit, jetimit, invalidit tetraplegjik dhe paraplegjik, romëve dhe ballkano-egjiptianë dhe duke iu referuar njoftimit  të sotëm do të paraqiten në datën 29.10.2014 ora 9:30 pranë Ministrisë së Arsimit dhe Sportit për të zhvilluar intervistën me qëllim përfitimin e kuotave të veçanta.
Kjo intervistë do të zhvillohet në zbatim të udhëzimit nr.34 të miratuar në datë 30.09.2014 dhe  të ndryshuar  “Për kriteret dhe proçedurat e përzgjedhjes dhe regjistrimit për kandidatët me statusin e të verbërit, të invalidit paraplegjik dhe tetraplegjik, të jetimit, si edhe romët dhe ballkano-egjiptianët, në programet e ciklit të parë të studimeve me kohë të plotë, në proigramet e studimeve  jouniversitare profesionale si edhe në programet e integruara të studimeve të ciklit të dytë në institucionet publike të arsimit të lartë për vitin akademik 2014-2014”.
Sipas njoftimit të publikuar ditën e sotme nga Ministria e Arsimit thuhet se intervista do të zhvillohet nga komisioni i posaçëm i ngritur me përfaqësues të Ministrisë së Arsimit dhe Sportit si  edhe Ministrisë së Mirëqënies Sociale dhe Rinisë.