Masakra me 6 shqiptarë të vrarë, dy pistat sipas medieve greke: Pritë apo takim mes bandave?

Mediet greke kanë dhënë detaje të reja mbi masakrën me 6 persona të ekzekutuar këtë mbrëmje, që ndodhi brenda një makine me targa gjermane tip ”Ford” në periferi të Athinës në Greqi.

”CNN grek” raporton se dyshohet që viktimat të jenë shtetas shqiptar, por kjo pistë nuk është konfirmuar zyrtarisht. Policia po heton dy skenarë për ngjarjen. I pari, të cilin e konsiderojnë më të mundshëm, është se autorët u kishin bërë pritë 6 personave të vrarë.

Versioni i dytë është se mes dy bandave ka pasur një “takim”, por nuk ka pasur “marrëveshje” mes tyre dhe më pas kanë nxjerrë pistoletat.