Masakra në “Don Bosko”, ish-shefi i RENEA-s zbardh detaje tronditëse: Gjithçka ndodhi brenda gjysmë ore…

Ish-shefi i RENEA-s, Erzen Breçani ka deklaruar se atentati me 1 viktimë dhe 6 të plagosur në Don Bosko është kryer për vetëm gjysmë ore.

Breçani tha në “Opinion” se automjeti i atentatorëve ka kaluar nga Ura e Kasharit në orën 20:20 të mbrëmjes, dhe fiks pas 30 minutash ka dalë nga Tirana.

Erzen Breçani: Në dijeninë time, komplet skema e vrasjes ka filluar nga Ura e Kasharit ose mbikalimi i Kasharit. Automjeti ka kaluar në orën 8 e 20 fiks.

Është e saktë që në orën 8 e 20 minuta ka kaluar Qafën e Kasharit dhe brenda gjysmë ore ka kryer krimin dhe po tek Qafa e Kasharit ka kaluar.

Fiks për një gjysmë ore ka dalë nga Tirana. Në momentin që ka dëgjuar krismat e para, një punonjëse policie me banesë diku aty afër ka njoftuar sallën operative, por kushtet e errësirës nuk kanë bërë të mundur identifikimin e mjetit për të ja dhënë sallës operative e më pas për të bërë bllokimin e rrugëve.