Maska kudo, Policia vë 175 gjoba në Korçë

Që prej datës 15 tetor, nga ku hyri në fuqi akti normativ për mbajtjen e detyrueshme të maskës në vende publike, në qarkun e Korcës vihen në ditë rreth 35 gjoba nga patrulla të ndryshme policore.

Deri më sot janë vënë 175 gjoba në të gjithë qarkun, ndërsa shkelje më të madhe të masës e mban Bashkia e Korcës, ku kryesisht të rinjtë janë më të prirur për t’i shkelur këto rregulla.

Bashkia e Korçës, ditëve të fundit ka patur shifra alarmante të të infektuarve me Covid-19 dhe mbajtja e maskës jo vetëm që është e detyrueshme, por është edhe një lloj sensibilizimi për të gjithë qytetarët që ky virus vdekjeprurës të përhapet më pak.