Masterplani i Qytetit Studenti, shpallet fituesi

Një ditë pas vizitës së kryeministrit Edi Rama, në përfundim të “Konkursit Ndërkombëtar për Master-planin e Qytetit Studenti”, juria e përbërë nga ekspertë vendas e të huaj, zgjodhi ekipin fitues. Si propozimi më i mirë, pas prezantimit publik të  8 skuadrave konkurrente, u vlerësua projekti i studios “BAUKUH – LIST – ABKONS – F&M INGEGNERIA -SPACE CAVIAR – BODA”.

Kjo skuadër vendos në qendër të projektit, ndërtimin e një rezidence të re për studentët dhe rehabilitim e atyre ekzistuese. Projekti fitues bazohet tek angazhimi për vëzhgimin e ndryshimeve urbane sapo ato shfaqen , dizajni dhe  një strategji konkrete veprimi, duke shfrytëzuar  të gjitha asetet në dispozicion dhe duke bashkuar të gjitha subjektet së bashku.