Matura, rezultatet jo më vonë se 30 qershori

Provimet e maturës shtetërore tashmë do të korrigjohen online, duke garantuar standarde dhe siguruar transparencë. Kryeministri Edi Rama uroi sot mirëmëngjes me lajmin e mirë për transformimin e Maturës Shtetërore falë revolucionit dixhital 2020.

”Mirëmëngjes me lajmin e mirë që revolucioni dixhital 2020 transformon Maturën Shtetërore, duke garantuar standardet, siguruar transparencën, përshpejtuar korrigjimet dhe larguar dorën e njeriut nga përcaktimi i saktësisë së përgjigjeve, ju uroj një fundjavë të qetë”.

Me anë të korrigjimit dixhital të provimeve rritet cilësia në arsim, nuk ka administratorë sekretimi, është dixhitalizuar korrigjimi i provimeve, është shmangur sekretimi i gabuar, si dhe do të ketë saktësi dhe shpejtësi në korrigjim. Ky korrigjim dixhital ofron një klimë më të qetë për maturantët, ndërsa shpallja e rezultateve bëhet jo më vonë se data 30 qershor.