Maturantët dobët në gjuhën shqipe, asnjë 10 absolute

Të rinjtë shqiptarë njohin më mirë gjuhën e huaj dhe gjithnjë e më pak shqipen. Këtë fakt e tregojnë rezultatet e provimeve të maturës shtetërore, që nxjerrin problemet në shkolla e tekste, ndërsa shpërblehet investimi i prindërve ndër vite për gjuhët e huaja.

Në provimin e anglishtes 63 maturante kanë marrë pikët maksimale të testit dhe 10 absolute, 31 në matematike, ndërsa në gjuhë shqipe e letërsi asnjë gjimnazist në rang nuk ka arritur maksimumin e pikëve.

Për profesorët e letërsisë e dhe gjuhës shqipe, rezultatet e kësaj mature nuk janë vetëm shifra. Shefja e departamentit të letërsisë në fakultetit filologjik Lili Sula thotë se kjo vjen për shkak të problemeve të teksteve, nivelit të mësuesve dhe politikave jo të mira të ministrisë.

Shefja e departamentit të letërsisë i cilëson të dështuara politikat e ministrisë në arsimin para universitar dhe atë të lartë. “Boll dhe mjaft me reforma politike dhe fushatore”, thotë ajo.