”Mban peng fëmijët”/Babai radikal në gjyq: Shkollat nuk janë të sigurta

Historia e babait radikal, nxiti një debat në publik. Po flasim për Roland Kryemadhin, i cili nuk lejon fëmijët që të shkollohen dhe kur u thirr për në gjykatë, ai kërcënoi policinë me armë. “Ne nuk kemi mundësi financiare t’i shkollojmë në shkolla private, në shkolla shtetërore nuk i dërgoj pasi janë të pasigurtë”,-kështu tha Roland Kryemadhi, i cili u arrestua më 3 qershor në Kamëz, pasi kundërshtoi me armë forcat e policisë.

Para gjykatës ai ka treguar se së bashku me gruan, vendosën që mos t’i çojnë fëmijët në shkollë, pasi shkolla nuk u garanton sigurinë e tyre. Në seancë u soll edhe gruaja e tij, e cila është gjithashtu e akuzuar.

Për gruan gjykata vendosi masën e detyrimit me paraqitje, duke zbutur atë të arrestit në mungesë, pasi nuk ka kush të kujdeset për fëmijët. Seanca e radhës është vendosur që të mbahet me 2 korrik. Për sa i përket masës së sigurisë, ai vijon të jetë në “arrest me burg”.