Mbërrijnë në Shqipëri eshtrat e Mid’hat Frashërit

Mbërrijnë në Shqipëri eshtrat e personalitetit të shquar të letrave shqipe dhe të kulturës mbarëkombëtare, Mid’hat Frashërit. Ai u nda nga jeta më 3 tetor në vitin 1949 në New York.

Propozimi për kthimin në atdhe të Mid’hat Frashërit ka ardhur nga Instituti i Studimeve Historike “Lumo Skëndo”, nisur nga amaneti i fundit të Frashërit.

Frashëri la gjurmë si diplomat, shkrimtar dhe politikan dhe tashmë varroset pranë vëllezërve Frashëri në Kodrat e Liqenit në Tiranë.

Aktualisht, kanë nisur homazhet në nderim të tij, si një nga patriotët më të shquar të historisë së Shqipërisë në Akademinë Shkencave.