Mbeti i bllokuar në gjirin e Shën Andreas, Policia Kufitare ndihmon turistin

Policia Kufitare e Vlorës i ka ardhur në ndihmë një turist zviceran, pasi humbi orientimin dhe mbeti i bllokuar në gjirin e Shën Andreas. Shërbimet e Policisë Kufitare kanë bërë të mundur lokalizimin e turistit nga Zvicra, dhe më pas e kanë shoqëruar atë, në Dhërmi, me mjetin e Policisë Kufitare. ”Turisti është në gjendje të mirë shëndetësore dhe i ka falënderuar, për reagimin e menjëhershëm dhe profesionalizmin”.