Mbeti i plagosur nga shpë*thimi, deputeti i PS-së futet në sallën e operimit

Deputeti i PS-së, Bujar Çela ka mbetur i plagosur mesditën e sotme në Lushnjë, pas një shpërthimi në një magazinë ndërtimi. Ai ndodhet në spital, ku po i nënshtrohet një ndërhyrje kirurgjikale.

Çela ka qenë në pronën e tij fare pranë magazinës ku ka ndodhur shpërthimi. Bujar Çela është deputet i qytetit të Lushnjës prej dy mandatesh, i dalë nga listat shumemërore të Partisë Socialiste.

Nga të dhënat e para, ngjarja ka ndodhur në një objekt në ndërtim. Gjatë punimeve, ka pasur kontakt me linjën e tensionit të lartë, e cila ka rënë mbi depozitën e gazit, që shërbente për të furnizuar bizneset e dy magazinave.