Mbeti jashtë Kryesisë së PD-së, reagon deputeti Shehaj

Deputeti i PD-së Agron Shehaj ishte mes kandidatëve që nuk arritën të zgjidheshin si pjesë e Kryesisë së Partisë Demokratike, që është një ndër organet më të rëndësishme drejtuese në parti.

Nga ana tjetër, Shehaj ka vlerësuar me nota pozitive gjithë procesin, duke theksuar se ndihet i nderuar që ishte pjesë e garës dhe se është ende i ri në Partinë Demokratike.

“Procesi ishte transparent dhe uroj anëtarët e përzgjedhur. Jam i nderuar që isha kandidat, por mendoj se jam ende i ri. Ne do të punojmë çdo ditë me qytetarët për të rrëzuar qeverinë. Protetat dhe denoncimet janë mënyra të mira”, tha Shehaj në studion e lajmeve të Vizion Plus, i cili mori 100 vota nga anëtarët.