Mbi 556 mijë vaksinime, Manastirliu: Procesi nuk ndalet në çdo cep të vendit

19.197 vaksinime anti-covid janë bërë në të gjithë vendin vetëm ditën e sotme. Ministrja e Shëndetësisë, Ogerta Manastirliu përmes një postimi në rrjetet sociale, thotë se janë kryer 556.584 vaksinime në total që nga nisja e vaksinimit masiv. ”Vaksinimi nuk ndalet në çdo cep të vendit, për mbrojtjen e jetës dhe shëndetit të qytetarëve. Sot kapërcyem 550 mijë vaksinime”, shkruan Manastirliu. Dje në Aeroportin “Nënë Tereza” mbërritën 11,700 doza të tjera të vaksinës Pfizer.