Mbi 629 mijë vërtetime online gjatë 2018-ës, Tatimet: Reduktohen vizitat në sportele

626,956 vërtetime janë dhënë për taksapaguesit përmes  portalit e-Albania gjatë vitit të kaluar. Sipas Drejtorisë së Përgjithshme të Tatimeve, pjesa më e madhe e vërtetimeve të dhëna për individët, subjektet apo punonjësit e interesuar janë vërtetime për pagesa të kontributeve të sigurimeve shoqërore dhe shëndetësore.

Administrata Tatimore shton se ofrimi i shërbimeve në rrugë elektronike ka reduktuar ndjeshëm jo vetëm kontaktet e drejtpërdrejta me punonjësit e administratës, por edhe radhët e gjata dhe kohën e pritje.

“Për vitin 2018 janë dhënë 41,153 vërtetime në sportelet e Zyrave të Shërbimit të Tatimpaguesve, në një kohë që për vitin 2017 janë dhënë rreth 250,000 vërtetime në spotele.”