Mbledhja e Këshillit Bashkiak të Tiranës, këshilltarët e opozitës akuzojnë: Veliaj i çon 6 mln euro inceneratorit

Këshilltarët e Këshillit Bashkiak dolën në një deklaratë për mediat pas përfundim të mbledhjes, ku kanë akuzuar kryebashkiakun Erion Veliaj se nuk u dha fjalën gjatë kësaj mbledhjeje.

Ilir Alimehmeti tha se Këshilli Bashkiak i vendosi 6 mln euro të tjera në dispozicion inceneratorit të Tiranës.

“Sot Këshilli Bashkiak i vendosi 6 mln euro të tjera në dispozicion inceneratorit që është në sekuestro. Nuk mund të ishim dakord”, tha ai.

Endrit Braimllari tha se Veliaj po punon vetëm për interesin e tij personal.

“Veliaj i çon 6 mln euro inceneratorit që është nën sekuestro nga SPAK dhe kjo është absurde”, ka thënë Braimllari.