Mbreti Charles III nuk pranoi që Princi Harry të sillte të shoqen te Mbreteresha që po vdiste!

Aktualitet Kryesore Të Përzgjedhura E Shtunë, 10 Shtator 2022 06:51

Media britanike “Daily Mail” shkruan titull kryesor: Mbreti Charles III nuk pranoi që Princi Harry të sillte të shoqen te Mbreteresha që po vdiste!

Ndërkohë Pallati Mbretëror u vendos në alarm se u tha që gruaja e Princit Harry po vinte, por me pas mediat thonë se Charles (tashmë Mbreti i ri i Britanisë) i ka kërkuar prerë djalit të mos e sjellë me vehte gruan, Meghan. Shkaku dihet se ajo ka sulmuar familjen mbretërore me intervista, duke shkaktuar zemërimin e Mbretereshës sa ishte gjallë.

Sipas The Sun, Princi Harry ishte në Frogmore Cottage kur mori një telefonatë nga babai i tij duke i kërkuar që të mos sillte Meghan.

“Charles i tha Harrit se nuk ishte e drejtë apo e përshtatshme që Meghan të ishte në Balmoral në një kohë kaq të trishtuar”, tha një burim për gazetën.

Charles e bëri shumë të qartë se Meghan nuk do të ishte e mirëpritur.

Ndërkohë The Telegraph raportoi se Harry nuk u thirr fillimisht kur anëtarët e familjes mbretërore u ngjitën në Balmoral, siç ishte vëllai i tij Princi William.

Një person i brendshëm mbretëror tha gjithashtu se “është mjaft e vështirë të shpenzosh shumë kohë me dikë që e dini se është gati të botojë një libër që tregon gjithçka për ju”.