Mbrojtja në “sulm”: Hajdarmataj i bëri presion Beqaj të dëshmojë kundër Shullazit

Ish-avokati i Emiljano Shullazit, Nezhdet Kambo, ka akuzuar kreun e prokurorisë së krimeve të rënda, Besim Hajdarmatën, se ka ushtruar presion ndaj Ylvi Beqaj për të dëshmuar kundër Shullazit.

Në dëshminë e dhënë sot në seancën gjyqësore te Krimet e Rënda ai ka deklaruar: “Ylvi Beqaj kishte takuar kreun e Prokurorisë së Krimeve të Rënda, Besim Hajdarmatën, i cili i ka bërë presion Beqaj që të dëshmonte kundër Shullazit ose do ta akuzonte për mbështetje të grupit kriminal. Ylvi Beqajn e kam njohur pasi u arrestua Shullazi dhe Dani, pasi isha avokat i tyre gjate seances se masave”.

Në gjyqin e Shullazit ka dëshmuar dhe avokati Alban Qafa, i cili ka pohuar deklaratën e Nezhdet Kambos.

Qafa: Ylvi Beqja më tha se Besim Hajdarmataj i ka bërë presion dhe e ka kërcënuar.

/Ora News