Mbyllen hetimet, “11 babagjyshë” në pritje të gjykimit

Mbyllen hetimet për grupin e “Babagjyshëve”. Prokuroria për Krimet e Rënda çon për gjykim 11 persona.

Ata akuzohen për 13 episode kriminale, dhe konsiderohen grup i strukturuar kriminal. Banda akuzohet për vjedhje me armë, plagosje të rëndë, armëmbajtje pa leje dhe kryerje veprash penale në kuadër të grupit kriminal.

Për gjykim janë dërguar këta shtetas: Ilir Kupa, Fatmir Pjetri, Agustin Sula, Julain Qerrushi, Dritan Kola, Saimir Kala, Mark Shpendi, Hajdar Sefa, Lin Kala, Edmond Selala dhe Angjelin Ndreka.

Dy prej vjedhjeve nga ana e tyre janë kryer në Maqedoni, ku në një prej tyre mbeti i vrarë një prej autorëve, Miljan Elezi apo i njohur ndryshe dhe si Artur Tafani.

Grupi u bë mjaft i njohur për vjedhjen spektakolare të 24 dhjetorit të 2013 të një argjendarie në qendrën tregtare TEG, ku edhe me rastin e Krishtlindjeve ishin të veshur si babagjysha dhe grabitën argjendarinë me vlerën e 400 mijë eurove.