Mbyllet procesi i votimit në Lushnjë, fiton PS. Ja sa vota mori secili subjekt politik

Është mbyllur procesi i numërimit të votave në të dy Komisionet Zonale të Administrimit Zgjedhor (KZAZ) në Lushnjë, për zgjedhjet e mbajtura më 11 maj. Procesi është zhvilluar pa probleme dhe ka përfunduar në orët e para të mëngjesit të sotëm.

Në këtë zonë, ku përfshihen qyteti dhe zonat përreth, janë numëruar 64 kuti votimi. Procesi i numërimit përfundoi rreth orës 03:00 të mëngjesit. Nga 43,090 votues të regjistruar në listë, kanë votuar 17,650 qytetarë. Janë shpallur të pavlefshme 486 vota.

Rezultatet për subjektet politike në KZAZ 56:

Partia Socialiste (PS): 10,531 vota

Partia Demokratike (PD): 4,812 vota

Shqipëria Bëhet: 598 vota

Mundësia : 435 vota

PSD: 54 vota

KZAZ nr. 55 – Njësitë administrative të bashkisë Lushnje

Në këtë zonë janë përfshirë njësitë administrative të bashkisë Lushnje. Janë numëruar votat në 92 qendra votimi dhe procesi ka përfunduar rreth orës 06:00 të mëngjesit. Nga 24,890 votues pjesëmarrës, 1,071 vota rezultuan të pavlefshme.

Rezultatet për subjektet politike në KZAZ 55:

Partia Socialiste (PS): 15,847 vota

Partia Demokratike (PD): 5,782 vota

Shqipëria Bëhet: 1,206 vota

Mundësia: 446 vota

Në të dy zonat zgjedhore të Lushnjes, Partia Socialiste ka dalë fituese me një diferencë të ndjeshme ndaj forcave të tjera politike.