Me 10 kg lëndë plasëse, shembet sot ndërtesa 6-katëshe te Astiri
Aktualitet E Premte, 10 Janar 2020 09:54
Shembja e objektit 6-katësh në zonën e Astirit sot do të bëhet në orën 15:30.
Kështu ka njoftuar Inspektoriati Kombëtar i Mbrojtjes së Territorit. Ky është objekti i fundit në lotin e parë të këtij segmenti që do t’i hapë rrugën punimeve për Unazën e Madhe.
Në një postim në Facebook, IKMT njofton qytetarët se:
“IKMT do të shembë sot në orën 15.30 me shpërthim të kontrolluar një objekt 6-katësh në zonën e “Astir” në gjurmën ku do të kalojë Unaza e Re. Në trupin e objektit janë hapur 250 furnela (vrima) ku do të vendosën 10 kg lëndë plasëse”.
