Me armë në brez, policia arreston “të fortin” e Korçës

Policia e Korçës ka arrestuar në flagrancë një 28-vjeçar, i cili qarkullonte me armë zjarri në brez.

Ata e kanë lokalizuar të riun I.Q, në lagjen nr.17, teksa udhëtonte me automjetin tip “Mercedes Benz”, të cilin e kanë ndaluar për të ushtruar kontroll ndaj tij dhe mjetit që ky shtetas drejtonte.

Gjatë kontrollit fizik të ushtruar ndaj 28-vjeçarit, Policia i gjeti në brez, një armë zjarri pistoletë me fishekë, të cilat i posedonte pa lejen e organeve përkatëse.

Shtetasi I.Q, u arrestua në flagrancë për veprën penale “Mbajtja pa leje dhe prodhimi i armëve, armëve shpërthyese e municionit” dhe materialet për veprime të mëtejshme i kaluan Prokurorisë pranë Gjykatës së Shkallës së Parë Korçë.