Më pak pacientë në urgjenca, Lama: Në pediatri vizitat më shumë për rrugët e frymëmarrjes

Pandemia ka sjellë një ulje të ndjeshme të numrit të pacientëve në spitale. Në pediatri rastet më të shpeshta janë ato që kanë të bëjnë me rrugët e frymëmarrjes. Por krahasuar më një vit më parë situata paraqitet më e qetë.

Frika se mund të preken nga koronavirusi ka bëë që numri i fëmijëve që paraqitet në urgjencën e Pediatrisë të bjerë ndjeshëm.

Sipas mjekut pediatër, Albert Lama, krahasur me një vit më parë numri  është nën mesataren.

Gjithashtu e qetë paraqitet edhe situata për hospitalizimet.

Një gjëndje  kjo thuajse e ngjashme edhe në shërbimet e tjera spitalore.

“Në raport me vitin pararendës kemi një situatë shumë normale. Numri është nënmesataren e pritshme në raport me numrin e popullatës”.

Problemet më të shpeshta thotë mjeku Lama janë kryesisht ato të rrugëve të frymëmarrjes.

Moshat më të prekura nga këto simptoma gjatë kësaj periudhe janë fëmijët deri në 4 vjeç.

Mjekët sugjerojnë që të qëndrohet në vende të ajrosura dhe me temperaturë konstante si dhe të shmangen vendet me shumë persona.