Me sms u kordinua sulmi në Paris

Sulmet terroriste që tronditën Parisin më 13 nëntor dhe shkaktuan 130 viktima u koordinuan nga distanca përmes telefonave, ndërkohë që atentatorët ndodheshin në terren.

“Le Monde” shkruan se hetuesit janë të bindur që gjithçka u realizua falë një regjie qendrore në Bruksel.Rindërtimi i ngjarjeve nga hetuesit është bërë pasi është zbuluar një celular “Samsung” që u gjet në një kazan plehrash pranë teatrit “Bataklan”, që nuk ka dyshim se është përdorur nga njëri prej terroristëve.

Mesazhi që ka aktivizuar sulmet është nisur në orën 21:42, pak para sulmit dhe në të shkruhet: “Nisi, të fillojmë”.Mesazhi është dërguar tek një shtetas në Belgjikë, që deri më tani mbetet i panjohur.

Telefoni u çaktivizua menjëherë pas ardhjes së mesazhit.Ndërmjet kohës së aktivizimit dhe të çaktivizimit, u shkëmbyen rreth 25 mesazhe. Numri ka qenë në kontakt me Abdelhamid Abaaoud, që cilësohet si një nga koordinatorët e sulmeve.