Mediat e huaja: Protesta, opozita përleshje me policinë

Mediat ndërkombëtare kanë pasqyruar protestën e opozitës shqiptare, si të shoqëruar me incidente dhune.

Kështu, prestigjozja BBC, shkruan në titull “Protestuesit në Shqipëri përleshen me policinë”.

Më tej, BBC shkruan se “mijëra protestues të opozitës shqiptare janë përleshur me policinë gjatë një proteste anti-qeveritare”.

Në lajm theksohet se tubuesit sulmuan me gurë dhe vezë godinën e Kryeministrisë.

Ndërsa "New York Times" shkruan se opozita shqiptare ka pushtuar rrugët duke kërkuar rrëzimin e qeverisë.

“Në protestën e mbajtur në 25­vjetorin e ditës së Rinisë opozita ka kërkuar largimin e qeverisë që e quan të korruptuar. Protestuesit kanë hedhur vezë dhe gurë drejt kryeministrisë”, shkruan "New York Times".