Mediat greke jehonë lajmit: Fredi Beleri fitoi bashkinë e Himarës nga burgu

Sapo u shpall rezultati i bashkisë së Himarës, ku fitoi Fredi Beleri, kandidati i koalicionit ‘Bashkë Fitojmë’, media greke i kanë bërë jehonë lajmit.

Të gjitha mediat online kanë pasqyruar në faqen e parë fitoren e Belerit, i cili ndodhet pas hekurave nën akuzën e blerjes së votave për zgjedhjet. Këto media kanë pasqyruar dhe festimet e mbështetësve të Belerit, të cilët nisën festën teksa numërohej kutia e fundit.

Pas shpalljes së rezultatit final, mbështes të tij u vendosën para zyrave të OMONIA-s, ku brohorisnin emrin e Fredi Belerit.