Megaopreacioni ”Tempulli 2”/ Drejtori i Policisë së Tiranës, Tonin Vocaj tregon detajet

Drejtori i Policisë së Tiranës, Tonin Vocaj ka dhënë detaje për megaoperacionin kombëtar ”Tempulli 2”, ku janë arrestuar ose proceduar 273 shtetas. Po ashtu janë goditur anëtarë të 7 grupeve kriminale.

Vocaj tha se janë nxjerrë 89 masa ”arrest me burg” dhe 1 urdhër ndalimi, ndërsa bën me dije se janë ekzekutuar 68 prej tyre. Ndër të tjera Vocaj tha se po vijojnë kërkimet për 23 shtetas të tjerë.

“Ky megaoperacion është vazhdim i operacionit ”Tempulli 1”. Në shtator të vitit të kaluar Policia e Shtetit ka ideuar operacionin ”Tempulli 2”. Për mbarëvajtjen e këtij operacioni, Policia e Tiranës me kërkesë të Prokurorisë së Tiranës, janë nxjerrë 89 masa ”arrest me burg”, një urdhër ndalimi. Në fazën finale të operacionit kanë ekzekutuar 68 nga këto masa. Gjithashtu për 23 shtetas të tjerë jemi duke vazhduar kërkimet. Kemi pritshmëri që numri i të arrestuarve të rritet dhe në orët në vijim”,-u shpreh Vocaj në ”News 24”.