Merr fund makthi i korçarëve pranë Ish-trikotazhit, ekspertët eliminojnë të gjitha vatrat e zjarrit

Ka marrë fund makthi i shumë banorëve korçarë, të cilët një ditë më parë rrezikonin helmimin nga djegia e lëndëve toksike në Ish-trikotazhin e Korçës.

Gazetarja Lorena Kodra raporton këtë mëngjes për “BalkanWeb” se grupi i specialistëve ka eliminuar të gjitha vatrat aktive.

Ekspertë nga Korça dhe Tirana kanë punuar thuajse gjithë natën dhe në orët e para të këtij mëngjesi kanë mundur të eliminojnë rrezikun, duke mos lënë asnjë vatër zjarri aktive.

Gjithashtu, ekspertët kanë matur nivelin e ndotjes jashtë objektit dhe kanë konkluduar se nuk përbën më rrezik për banorët.