Merr fund saga për Himarën/ Kolegji rrëzon PD-në, dhe Vangjel Tavo konfirmohet kryetar bashkie

Merr fund saga e ankimimeve për drejtimin e Bashkisë së Himarës, dy muaj pas zgjedhjeve të pjesshme në këtë qytet. Vangjel Tavo certifikohet si qytetar i parë i Himarës edhe nga kolegji zgjedhor, i cili rrezoi padinë e bërë nga juristet e Sali Berishës dhe Vangjel Dules që kërkuan përsëritje të procesit zgjedhor të 4 gushtit me pretendimin se ishte manipuluar. Me këtë vendim shkalla e fundit ankimore i hap rrugë komisionerit Ilirjan Celibashit që të mandatojë Vangjel Tavon për tu betuar si kryebashkiak. Në zgjedhjet e pjesshme të mbajtura në Himarë në 4 gusht kandidati i Partisë Socialiste fitoi me 1477 vota diferencë përkundrejt rivalit opozitar Petro Gjikuria.