Mesazh kërcënues ndaj News24: “Gazetarja juaj ka me ken e vrarë”
Pas kërcënimit që iu bë pak ditë më parë gazetares Aurora Koromani të GSH dhe News24 një tjetër kërcënim është bërë ndaj televizionit.
Në numrin e redaksisë ka shkuar një mesazh kërcënues ku thuhej “Juve ka me ju dënu Allahu”.
Më vonë është nisur një tjetër mesazh ku thuhej “Gazetarja Aurora Koromani ka me ken e vrarë”.
Pak minuta pas mesazheve i njëjti numër ka telefonuar redaksinë por nuk ka folur duke mbajtur telefonin hapur për disa sekonda.
Telefonata është bërë nga një abonent i një prej kompanive celulare në Shqipëri rreth orës 01:00 të ditës së sotme.
Policia ka nisur menjëherë hetimet për gjetjen e autorit.