Mesazhet me këngë të Agron Llakajt: Lum si ti Shqipëri që s’ke pleqëri…

Aktori i njohur i humorit për publikun Agron Llakaj, përmes Report Tv dha disa mesazhe optimizmi për të gjithë shqiptarët që janë në karantinë në këto ditë të vështira për shkak të situatës nga koronavirusi. “Ajo që është më thelbësorja, unë do t’i thosha të rinjve, duroni pa dalë jashtë një dhe e dyta mos i nominoni ata gjyshërit, mos i nominoni janë një dashuri e madhe, një dashuri që na ka shoqëruar gjithë jetën, që nga fëmijëria deri tani në këto momente dhe për shkak të situatës kur ndihen si mosha më e rriskuar”.

Mesazhi i plotë

Natyrisht në këtë kohë në këtë situatë është fuqi njerëzore të dalësh mbi realitetin, të shkaktosh humor dhe mbi të gjitha të shkaktosh të qeshura, të bësh humor. Edhe në traditën tonë popullore kështu thuhet, në vdekje humori shpërthen shumë më fuqishëm sesa në një kohë normale. Ne për fatin e mirë, të themi atë që është, Zoti nuk na ka lënduar shumë dhe nuk po na lëndon. Kërkon vetëm durim, durim për ta kaluar gjithë këtë situatë. Në shtëpi nuk ka gjë më të bukur, se pas kaq shumë vitesh babai të njohë djalin, të njohë vajzën dhe fëmijët të njohin prindërit, rrinë bashkë. Ajo që është më thelbësorja, unë do t’i thosha të rinjve, duroni pa dalë jashtë një dhe e dyta mos i nominoni ata gjyshërit, mos i nominoni janë një dashuri e madhe, një dashuri që na ka shoqëruar gjithë jetën, që nga fëmijëria deri tani në këto momente dhe për shkak të situatës kur ndihen si mosha më e rriskuar unë them sëbashku të këndojmë atë këngën:

”Xhaxh ka vite që m’thrrasin, por pleqërinë tej e kam flakur,

m’shtohet jeta nga respekti, kur me thonë shokët veteranë

veteranë fjalë nderi, nuk e njohim veten plak, m’rritet jeta nga respekti

kur me thonë shokët veteranë…

lum si ne lum si ti, Shqipëri që s’ke pleqëri’’

T’u japim pak moto, mos ta ndiejnë veten si pleq. Mjafton t’u themi që i duam shumë. Sot ju bëj thirrje në orën 20:00 dilni nëpër ballkone dhe në dritare dhe këndoni mrekullisht dhe fuqishëm me zë të fortë sa t’ju dëgjoj Italia këngë për baballarët tanë të mrekullueshëm. Sot është dita e baballarëve. Në këtë rast edhe dita ime, por fëmijët e mi stonojnë kur këndojnë. Zoti qoftë me ne