Meta në Elbasan: Të vendosur t’i rikthejmë qytetin perspektivën

Kreu i Partisë së Lirisë Ilir Meta ka deklaruar se për Elbasanin nuk ka rrugëzgjidhje tjetër veç ndryshimit dhe rimëkëmbjes.

Në një postim në Facebook, Meta u shpreh se PL nuk dëshiron që Elbasani të jetë më i dyti në listën e qarqeve më të varfra të Shqipërisë, ndërsa shtoi se me zgjedhjet e 14 majit, opozita është e vendosur t’i rikthejë këtij qyteti zhvillimin ekonomik.

Postimi i plotë:

Për Elbasanin ka vetëm një rrugëzgjidhje: Ndryshim dhe Rimëkëmbje!

Ne duam që Elbasani të mos jetë më i dyti në listën e qarqeve më të varfra të Shqipërisë dhe jemi të vendosur që t’i rikthejmë atij zhvillimin ekonomik dhe perspektivën e shkëlqyer që qytetarët dhe veçanërisht të rinjtë meritojnë.