Metodologjia e re e BE: Negociatat bllokohen edhe pasi janë hapur

Publikohen detaje nga metodologjia e re e zgjerimit të Bashkimit Evropian, e cila pritet të prezantohet në ditët në vazhdim të muajit shkurt. Sipas metodologjisë, BE u jep vendeve anëtare fuqinë të bllokojnë negociatat me një vend pasi janë hapur.

Ndërkohë kryeministri Edi Rama në një intervistë për Financial Times është shprehur se “shpreson që procesi i ri të sjellë më shumë qartësi dhe më shumë ndershmëri”. Sipas kryeministrit Rama, procesi duket se po pengohet dhe duket se bëhet gjithnjë e më skizofrenik midis teknikave dhe vendimmarrjes politike.

Plani gjithashtu bën thirrje për stimuj të përmirësuar për vendet aspirante të performancës së mirë, përfshirë rritjen e fondeve dhe investimeve dhe integrimin më të ngushtë me politikën e BE-së, tregjet dhe programet në fushat ku është bërë përparim.

Zyrtarët dhe diplomatët e BE theksuan se dokumenti ishte ende objekt debati, përfshirë këtu sa vota të vendeve anëtare do të duheshin për të kthyer bisedimet e zgjerimit sapo të kishin filluar.

Rregullat do të zbatoheshin për bisedimet e pranimit të nisura pas miratimit të planit, me një ide në diskutim për të lejuar një zgjedhje për negociatat e ngadalta në zhvillim me Serbinë që nga viti 2014 dhe Malin e Zi që nga 2012, nëse vendet e dëshirojnë atë.

Premtimi për një qartësim më të madh mund t’u interesojë gjashtë vendeve të Ballkanit Perëndimor që kanë dashur prej kohësh të anëtarësohen në BE, por gjithashtu ata gjithashtu do të shqetësohen se plani mund të rrisë mundësinë që ata të mund të ndalohen nga anëtarësimi.