Mevlan Shanaj: Pirro Mani, një prej krijuesve të portretit të kombit

Një lajm shumë i trishtë për artin shqiptar na vjen nga matanë Atlantikut. Është ndarë nga jeta në Shtetet e Bashkuara të Amerikës, ku jetonte prej vitesh me familjen, aktori dhe regjisori i njohur, një prej korifenjve të teatrit dhe kinematografisë shqiptare, Pirro Mani.

Regjisori Mevlan Shanaj, shprehet se kjo është një ditë e zezë për të gjithë artin shqiptar.

“Të iki Pirro Mani do të thotë se për tërë kulturën shqiptare është një ikje pa kthim e një prej atyre që kanë krijuar portretin e kombit. Ai ishte maja më e lartë në teatrin shqiptar. Unë dua t’i shpreh ngushëllimet gjithë artit shqiptar”.