Mijëra qytetarë, artistë dhe politika në manifestim masiv pro ish-krerëve të UÇK

Me moton ”Drejtësi, jo politikë”, mijëra qytetarë, artistë dhe politikanë u bënë bashkë në një manifestim masiv në sheshin ”Skënderbeu” në Prishtinë, në mbështetje të ish-krerëve të UÇK që po gjykohen në Hagë.

Pjesë e marshimit u panë edhe Presidentja Vjosa Osmani, Ali Ahmeti, Taulant Balla, dhe figura të tjera nga forca të ndryshme politike në Kosovë e Shqipëri. Kryetarja e shtetit të Kosovës u shfaq përkrah të birit të Hashim Thaçit, Endrit Thaçi ndërsa shumë qytetarë mbajnë në duar pankarta me mbishkrimet: “Historia nuk mund të rishkruhet”, apo “Liri në emër të popullit”.

Të gjithë ish-drejtuesit i kanë mohuar të gjitha këto akuza. Manifestimi i sotshëm zhvillohet në një datë të shënuar për Kosovën, kur vendi feston 18-vjetorin e pavarësisë, të shpallur më 17 shkurt të vitit 2008. 18 vite më parë, Hashim Thaçi shkroi historinë duke e shpallur Kosovën shtet të pavarur. Sot në shesh, drejtësi për të atin kërkonte i biri, Endriti. Krah tij edhe personazhe të botës së showbizit.