Miku i mësuesit del para gjykatës, shtyhet seanca për Selami Simsekun

Në Gjykatën e Tiranës iu mbajt seanca për Selami Simsek, miku i mësuesit turk, Harun Çelik, i cili u arrestua në po të njëjtën ditë me të në aeroportin “Nënë Tereza” me pasaportë kandaeze. Pokurorja e çështjes, Anila Galanxhi, ka ngritur akuzën e falsifikimit të dokumentave. Simsek i arrestuar në të njëjtën ditë me mësuesin turk tashmë të ekstraduar në vendin e lindjes, Harun Çelik ka rrëfyer për hetuesit itinerarin që ka ndjekur për të mbërritur në Shqipëri. Simsek ka deklaruar se një kushëri i tij ka paguar paratë nëpërmjet një llogarie bankare, me pas ka udhëtuar drejt Kosovës.

Në Prishtinë në afërsi të parkut të autobusëve e kanë akomoduar në një banesë për 3 ditë, së bashku me mësuesin Harun Çelik, ndërsa një person që nuk e njihte, me emrin Kursat, i ka marrë pasaportën dhe ia ka kthyer pas disa ditëve të vulosur me vizën kanadeze të falsifikuar. Më pas ka udhëtuar drejt Tiranës nga dogana e Morinës në 8 gusht të vitit të shkuar dhe ka qëndruar disa ditë në Shqipëri. Më pas ka prerë biletë nga Rinasi në Vjenë dhe me destinacion përfundimtar Toronto.

Harun Çelik u depërtua në Turqi mbrëmjen e 1 janarit në Shqipëria në Turqi. Ai u kap dhe u dënua 5 muaj më parë pasi në Rinas hyri me vizë kanadeze false.  Prokuroria kërkon që kërkesa të merret parasysh edhe duke marrë parasysh gjithashtu edhe kërkesën e Simsek për gjykim të shkurtuar. Mbrojtja ndërkohë, nuk ka pretendime për kërkesën e prokurorisë. Gjykata pranon zyrtarisht kërkesën për gjykim të shkurtuar. Prokuroria kërkon shtyrjen e seancës për një datë tjetër, për përgatitjen e konkluzioneve përfundimtare të pretencës. Seanca shtyhet në datën 27 janar, ora 10.00.