Ministri Balla ”dush të ftohtë” shefave: Zbardhni vr*sjet

Në analizën 6 mujore të Drejtorisë Vendore të Policisë së Tiranës, ministri i Brendshëm Taulant Balla pati kritika në disa elementë. Balla u përqendrua tek puna e kryer nga seksionet e vrasjeve, antidroga dhe krimi ekonomik.

Ministri më shumë kritika mësohet se ka pasur për vrasjet, një pjesë e të cilave kanë ngelur të pazbardhura, përfshirë edhe atentatin e dështuar të pak ditëve më parë në Selitë, ku Zamir Kalemi arriti t’u mbijetojë breshërisë së plumbave.

Ministri është i kënaqur me sektorin e antidrogës, i cili përgjatë vitit 2023 ka pasur rritje të fuqisë goditëse deri në masë 100% në hetime dhe 30-50% në kapje të llojeve të ndryshme më shumë të lëndëve narkotike në krahasim me vitin 2022, duke veçuar operacionin “Tempulli”, me 112 persona të arrestuar fillimisht në kryeqytet.