Ministri Balla nga Durrësi: Personazhet e botës së krimit do të vendosen para drejtësisë

Ministri i Brendshëm, Taulant Balla nga Durrësi u shpreh se Policia e Shtetit do të ketë mbështetjen e domosdoshme për të luftuar korrupsionin dhe krimin e organizuar.

Ai shtoi se në Durrës edhe në Tiranë, ka një numër të madh personash që janë në kërkim, duke theksuar se duhet të ketë një plan masash për të garantuar që askush nuk mund t’i fshihet drejtësisë.

“Në Durrës ka personazhe të rëndësishme të botës së krimit që duhen gjetur, arrestuar dhe vendosur para drejtësisë. Dua t’u garantoj që secili ka mbështetjen time maksimale, por edhe mbështetjen e kryeministrit Edi Rama”, tha më tej Balla.