Ministri Hoxha pret kreun e Inteligjencës të Arabisë Saudite: Shkëmbim eksperiencash dhe informacionesh
![](https://kohajone.com/wp-content/uploads/2024/08/2-69.jpg)
Ministri i Brendshëm, Ervin Hoxha priti sot Khalid bin Ali bin Abdullah Al Humaidan, president i Inteligjencës së Përgjithshme në Mbretërinë e Arabisë Saudite. Hoxha shprehu falënderimet për bashkëpunimin mes dy vendeve, të cilin e vlerësoi si të shkëlqyer. Ai gjithashtu theksoi vullnetin dhe përkushtimin për të punuar për forcimin e mëtejshëm të marrëdhënieve, sidomos në fushën e sigurisë, ku interesi është i përbashkët. Palët dakordësuan për zhvillimin më tej të kapaciteteve dhe mundësive në shkëmbimin e eksperiencave, shkëmbimin e informacionit, si dhe vendosjen e pikave të kontaktit mes dy palëve. Ata diskutuan gjithashtu mbi bashkëpunimin në fushën e teknologjisë për një policim më të mirë, për qytetarët e dy vendeve.