Ministri Manja: Kompensim financiar për të ish-dënuarit politik, 9 subjektet që përfitojnë

Është miratuar këtë të enjte, kompensimi financiar për të ish-dënuarit politik. Lajmi është bërë i ditur nga vetë ministri i Drejtësisë, Ulsi Manja, i cili në një dalje për mediat, bëri me dije edhe subjektet përfituese.

Manja tha se nga ky vendim do të përfitojnë 9 subjekte, ndërsa shtoi se janë në bisedime me Ministrinë e Financave për dosjet që janë dorëzuar në Ministrinë e Drejtësisë jashtë afatit që ishte përcaktuar, për të përfituar dëmshpërblim financiar.

“Miratohet masa e kompensimit financiar për të ish-dënuarit politik. Është vendimi i 30 që merr qeveria dhe kjo është pjesë e vizionit për të garantuar të drejta e tyre. Nga 9 subjekte përfituese, 7 janë ish të dënuar me burgime të gjata ose izolime në hetuesi ose në masë të mbyllur, ndërsa 2 subjekte përfituese janë me dënime kapitale ose pa gjyq”, tha Manja.