Ministria e Brendshme reagon për përgjimin e shefit të Policisë së Vaut të Dejës

Ministria e Brendshme ka reaguar pas transmetimit në emisionin ‘Fiks Fare’ të bisedës së shefit të komisariatit të Vaut të Dejës. Në njoftimin e saj, Ministria thotë se shtetasi P.Ç., i cituar në kronikën televizive si Shef i Komisaritit në Vaun e Dejës, nuk është në detyrë që nga data 29 maj 2018.

“Menjëherë sa mori dijeni mbi ngjarjen, ku u gjet i vetëvrarë një shtetas pasi ishte shoqëruar në Polici, Ministri i Brendshëm urdhëroi Shërbimin e Çështjeve të Brendshme dhe Ankesave (SHÇBA) që në bashkëpunim me Prokurorinë të niste hetimin e rastit.

Pas verifikimeve paraprake, SHÇBA i kërkoi Drejtorit të Policisë pezullimin nga detyra. Drejtori i Përgjithshëm i Policisë së Shtetit, në datë 29 maj 2018, urdhëroi pezullimin nga detyra të P.Ç., Shef i Komisariatit të Vaut të Dejës dhe punonjësve Z.D dhe P. Zh., me detyra SPZ (Specialist policor i zonës).

Pra, theksojmë se shtetasi P.Ç., i cituar në kronikën televizive si Shef i Komisaritit në Vaun e Dejës, nuk është në detyrë që nga data 29 maj 2018”, thuhet në njoftimin e ministrisë së Brendshme.

U vetvra se e akuzuan padrejtësisht, shefi i komisariatit: Shumë mirë që vrau veten!