Ministria e Kulturës i përgjigjet Bashkisë së Tiranës

Në përgjigje të deklaratës së Bashkisë lidhur me prishjen e vilës me numër indetifikimi V–11 në rrugën “Asim Zeneli”, Ministria e Kulturës deklaron se: Vërtetimi i marrë nga IMK daton në maj 2014 kur ende banesa s’e kishte statusin e objektit në mbrojtje, Me vendim të KKR të datës 15 korrik 2015 ky objekt hyn në listën e objekteve të vendosur në mbrojtje paraprake.
Vendimi për leje zhvillimore i datës 6.10.2014 nga ana e Bashkisë, është krejtësisht në shkelje të këtij vendimit të KKR-s. Me Urdhër të drejtoreshës së IMK, të datës 16.01.2015, me nr protokolli 70, rinovohet statusi i objektit në mbrojtje dhe ndalohet çdo ndërhyrje në objekt siç e përcakton dhe neni 25 i Ligjit për Trashegiminë në të cilin thuhet:“Objekti me këtë status nuk mund të prishet ose t’i bëhen ndryshime, pa miratimin me shkrim të Institutit të Monumenteve të Kulturës.”Ky urdhër i është përcjellë edhe Bashkisë së Tiranës.Bashkëngjitur: urdhëri, shkresa përcjellëse dhe lista me objektet e vëna në mbrojtje ku figuron dhe vila e prishur natën e shkuar. Risjellim në vëmendje të opinionit publik se statusi i “objektit ne mbrojtje paraprake” vijon të jetë ende në fuqi.Sigurojmë se për këtë rast dhe për çdo rast tjetër abuzimi me objektet e trashëgimisë kulturore, institucionet tona do të jenë në zbatim të rreptë të ligjit dhe në mbrojtje të trashëgimisë