Ministria e Shëndetësisë hap tenderin e respiratorëve për pacientët e prekur nga koronavirusi (Dokumenti)

Ministria e Shëndetësisë ka hapur tenderin për blerjen e respiratorëve, pajisje jetike tek personat e prekur nga COVID-19 dhe që kanë probleme me frymëmarrjen.

Tenderi “Furnizim, vendosje respiratorë me dy modalitete për adultë dhe moshë pediatrike për COVID-19” është publikuar dje nga MSH.
Në dokumentet e siguruara nga “BalkanWeb” thuhet se afati kohor për dorëzimin e ofertave është 18 marsi, pra sot deri në orën 17:00.

Fondi limit për blerjen e respiratorëve është 129.727.371 lekë pa TVSH. Me 60 pikë maksimale do të vlerësohet lëvrimi i shpejtë i respiratorëve, ndërsa çmimi pra oferta do të vlerësohet me 40 pikë.

Operatori ekonomik që ka marrë më shumë pikë gjatë mbledhjes do të ftohet për negociata dhe lidhjen e kontratës.
MSH kërkon që të gjithë dokumentet të jenë origjinalë pse kopje të noterizuara të tyre. Rastet e mosdorëzimit të një dokumenti, ose të dokumenteve të rreme të të pasakta, konsiderohen si kushte për skualifikim.